កាលពីពីរឆ្នាំមុន Catherine Cook បានលក់គេហទំព័រ MyYearbook.com (ឥឡូវ ឈ្មោះ MeetMe) ដែលនាងបង្កើតកាលនៅរៀនវិទ្យាល័យក្នុងតម្លៃដ៏ក្រាស់ក្រែលគឺ ១០០ លានដុល្លារ ខណៈនាងមានអាយុត្រឹម ២១ ឆ្នាំប៉ុណ្ណោះ។ នៅពេលនោះ គេហទំព័រនេះ មានអ្នកមើលទូទាំងពិភពលោក ៣២,៧ លាននាក់។
Catherine Cook ដែលលក់ក្រុមហ៊ុនបាន ១០០ លានដុល្លារកាលវ័យ ២១ ឆ្នាំ
មុននឹងទទួលបានជោគជ័យបែបនេះ នាងត្រូវឆ្លងកាត់បទពិសោធន៍ជូរចត់ជាច្រើនក្នុងជីវិត ដូចជាត្រូវមិត្តរួមថ្នាក់ និយាយឌឺដងដល់នាងពីមហិច្ឆតាដ៏ធំរបស់នាងជាដើម។ ទោះជាយ៉ាងណា នាងនៅតែអាចជម្នះភាពភ័យខ្លាចទាំងឡាយបានរហូតទទួលបានជោគជ័យ។ ស្ត្រីដ៏ជោគជ័យដែលទើបមានវ័យ ២៣ ឆ្នាំរូបនេះ បានលើកយកបទពិសោធន៍ដ៏សំខាន់ចំនួន ៤ ដែលជួយឲ្យនាងជោគជ័យ។ ចំណុចទាំងបួននោះមាន៖
១. ស្វែងរកបុគ្គលគំរូសម្រាប់ខ្លួនអ្នក
នៅពេលដែលនាងមានអាយុ ១១ ឆ្នាំ នាងបានយកបងប្រុសរបស់នាងធ្វើជាបុគ្គលគំរូ ដែលកាលណោះបងប្រុសរបស់នាងលក់ក្រុមហ៊ុនរបស់ខ្លួនបានរាប់លានដុល្លារត្រឹមអាយុ ២៤ ឆ្នាំប៉ុណ្ណោះ។ សម្រាប់នាង ការមើលពីការបង្កើតក្រុមហ៊ុនរបស់បងប្រុសពិតជាមានសារៈសំខាន់ក្នុងការជួយផ្ដល់ជាត្រីវិស័យសម្រាប់នាងណាស់។ ណាមួយ នាងគិតថា បុគ្គលគំរូនឹងជំរុញចិត្តរបស់យើងឲ្យចង់ឈានទៅរកជោគជ័យដូចគ្នា។
នៅពេលដែលនាងមានអាយុ ១១ ឆ្នាំ នាងបានយកបងប្រុសរបស់នាងធ្វើជាបុគ្គលគំរូ ដែលកាលណោះបងប្រុសរបស់នាងលក់ក្រុមហ៊ុនរបស់ខ្លួនបានរាប់លានដុល្លារត្រឹមអាយុ ២៤ ឆ្នាំប៉ុណ្ណោះ។ សម្រាប់នាង ការមើលពីការបង្កើតក្រុមហ៊ុនរបស់បងប្រុសពិតជាមានសារៈសំខាន់ក្នុងការជួយផ្ដល់ជាត្រីវិស័យសម្រាប់នាងណាស់។ ណាមួយ នាងគិតថា បុគ្គលគំរូនឹងជំរុញចិត្តរបស់យើងឲ្យចង់ឈានទៅរកជោគជ័យដូចគ្នា។
២. ហ៊ានប្រឈមនឹងភាពមិនប្រាកដប្រជា
សហគ្រិនមិនមែនជាមនុស្សដែលហ៊ានប្រថុយនឹងភាពប្រឈមដ៏គ្រោះថ្នាក់បំផុតនោះទេ ប៉ុន្តែពួកគេដឹងថា តើគួរធ្វើអ្វីដើម្បីតទល់នឹងភាពមិនប្រាកដប្រជានោះ។ នាងបញ្ជាក់ថា ៖ “អ្វីដែលធ្វើឲ្យសហគ្រិនឈានដល់ចំណុចជោគជ័យ គឺពួកគេជំរុញខ្លួនឯងឲ្យរស់នៅ និងប្រឈមនឹងភាពប្រថុយប្រថានទាំងឡាយ”។
សហគ្រិនមិនមែនជាមនុស្សដែលហ៊ានប្រថុយនឹងភាពប្រឈមដ៏គ្រោះថ្នាក់បំផុតនោះទេ ប៉ុន្តែពួកគេដឹងថា តើគួរធ្វើអ្វីដើម្បីតទល់នឹងភាពមិនប្រាកដប្រជានោះ។ នាងបញ្ជាក់ថា ៖ “អ្វីដែលធ្វើឲ្យសហគ្រិនឈានដល់ចំណុចជោគជ័យ គឺពួកគេជំរុញខ្លួនឯងឲ្យរស់នៅ និងប្រឈមនឹងភាពប្រថុយប្រថានទាំងឡាយ”។
៣. សរសេរពីឧបសគ្គដែលឆ្លងកាត់ និងរៀនស្វែងយល់ពីវា
Cook សារភាពថា នាងមិនសមទៅនឹងភាពភ័យខ្លាច និងភាពមិនប្រាកដប្រជាឡើយ។ ការដែលនាងនិយាយបែបនេះ ព្រោះមិនថា អ្នកជោគជ័យប៉ុណ្ណាទេ ការប្រឈម និងភាពមិនប្រាកដប្រជាតែងកើតមានជានិច្ចព្រោះស្ថិតក្នុងកាលៈទេសៈខុសៗគ្នា។ នាងគូសបញ្ជាក់ដូច្នេះ ៖ “ការភ័យខ្លាចបរាជ័យ និងរឿងដែលយើងសូវស្គាល់ច្បាស់ តែងកើតមានចំពោះមុខយើងជានិច្ច”។
Cook សារភាពថា នាងមិនសមទៅនឹងភាពភ័យខ្លាច និងភាពមិនប្រាកដប្រជាឡើយ។ ការដែលនាងនិយាយបែបនេះ ព្រោះមិនថា អ្នកជោគជ័យប៉ុណ្ណាទេ ការប្រឈម និងភាពមិនប្រាកដប្រជាតែងកើតមានជានិច្ចព្រោះស្ថិតក្នុងកាលៈទេសៈខុសៗគ្នា។ នាងគូសបញ្ជាក់ដូច្នេះ ៖ “ការភ័យខ្លាចបរាជ័យ និងរឿងដែលយើងសូវស្គាល់ច្បាស់ តែងកើតមានចំពោះមុខយើងជានិច្ច”។
សម្រាប់នាង គន្លឹះក្នុងការលុបបំបាត់ការភ័យខ្លាចគឺ កត់ត្រាពីឧបសគ្គដែលនាងឆ្លងកាត់ក្នុងកូនសៀវភៅមួយ និងរិះរកវិធីសាស្ត្រដោះស្រាយពីពេលមួយទៅពេលមួយ។
ការកត់ត្រាលើក្រដាសអាចឲ្យនាងមើលឃើញច្បាស់ជាងការគិត បន្ទាប់មកនាងនឹងធ្វើជាបញ្ជី និងគម្រោងដើម្បីដោះស្រាយ។ ជារៀងរាល់ព្រឹកនាង សរសេរចំណុចពី ៣ ទៅ ៥ ដែលនាងត្រូវធ្វើក្នុងមួយថ្ងៃ ហើយនៅពេលយប់នាងផ្ទៀងផ្ទាត់ថា បានសម្រេចចំណុចទាំងនោះទេ។ ក្រៅពីនេះ នាងក៏ស្វែងយល់ពីយុទ្ធសាស្ត្រដែលមានប្រសិទ្ធភាព និងចំណុចខ្វះខាតផងដែរ។
៤. នៅជាមួយមនុស្សដែលស្រលាញ់អ្នកដោយគ្មានលក្ខខណ្ឌ
តាមការលើកឡើងរបស់ Cook ថ្នាំបន្សាបភាពមិនប្រាកដប្រជាដ៏ធំគឺ ចំណាយពេលជាមួយក្រុមមនុស្សដែលគាំទ្រអ្នក។ មនុស្សទាំងនេះអាចឲ្យអ្នកនិយាយជាមួយបាននៅពេលអ្នកជាប់គាំងលើរឿងអ្វីមួយ មិនដឹងត្រូវធ្វើអ្វី ទោះជាអ្នកទាំងនោះមិនសូវដឹងច្បាស់ពីអ្វីដែលអ្នកធ្វើក៏ដោយ។
តាមការលើកឡើងរបស់ Cook ថ្នាំបន្សាបភាពមិនប្រាកដប្រជាដ៏ធំគឺ ចំណាយពេលជាមួយក្រុមមនុស្សដែលគាំទ្រអ្នក។ មនុស្សទាំងនេះអាចឲ្យអ្នកនិយាយជាមួយបាននៅពេលអ្នកជាប់គាំងលើរឿងអ្វីមួយ មិនដឹងត្រូវធ្វើអ្វី ទោះជាអ្នកទាំងនោះមិនសូវដឹងច្បាស់ពីអ្វីដែលអ្នកធ្វើក៏ដោយ។
“ធម្មតា និយាយពីផលលំបាកដែលអ្នកជួបប្រទះចេញមកក្រៅឮៗ ដល់មនុស្សដែលមានឥរិយាបថវិជ្ជមាន និងស្រលាញ់អ្នក ពេលខ្លះគឺគ្រប់គ្រាន់ឲ្យអ្នកដោះស្រាយបញ្ហានោះ ឬយ៉ាងហោចណាស់អាចឲ្យអ្នកឈរលើផ្លូវឆ្ពោះទៅរកដំណោះស្រាយបាន”។ Cook បង្ហើបឡើងយ៉ាងដូច្នេះ។
នាងបន្ថែមថា បើទោះជាពាក្យដែលអ្នកចាំគាំទ្រអ្នកនិយាយប្រាប់ត្រឹមពាក្យដ៏ចាស់គំរិល “ជីវិតត្រូវតស៊ូ” ដោយគ្មានដំណោះស្រាយជាក់លាក់ទល់នឹងបញ្ហាក្ដី ក៏វាអាចធ្វើឲ្យអារម្មណ៍អ្នកប្រសើរបានដែរ។
សាកល្បងយកចំណុចដែលនាងលើកឡើង ហើយត្រូវនឹងអ្នកយកទៅអនុវត្តលមើល៎ថា អាចជួយដល់អ្នកបានមែនឬអត់?
Source : sabay
