ក្រុមហង្សក្រហម Liverpool បានបញ្ចេញឈុតឯកសណ្ឋានថ្មីទី៣របស់ខ្លួនហើយ ក្នុងពេលបើកការហ្វឹកហាត់ត្រៀមបើករដូវកាលថ្មី កាលពីថ្ងៃព្រហស្បតិ៍ម្សិលមិញនេះ។
ឈុតថ្មីដែលក្រុមកីឡាកររបស់លោក Brenden Rodgers ពាក់ហ្វឹកហាត់នេះ មានពណ៌ខ្មៅ លាយជាមួយពណ៌ស្វាយ និងពណ៌ស។ ឈុតទី៣នេះ Liverpool នឹងពាក់នៅ Premier League ចំនួន៤ប្រកួត ព្រមទាំងពាក់នៅក្នុងការប្រកួត Cup (Capital One Cup) ក្រៅដី និងពាក់សម្រាប់ការប្រកួតមិត្តភាពត្រៀមបើករដូវកាលថ្មី។
Steven Gerrard និង Kolo Toure ពាក់ឈុតទី៣ថ្មីហ្វឹកហាត់
Martin Kelly (ស្ដាំ) បណ្ដើរបាល់គេចពី Michael Ngoo ពេលហ្វឹកហាត់
នៅក្នុងការហ្វឹកហាត់ជាថ្មីនេះ មិនមានវត្តមាន Pepe Reina (អេស្ប៉ាញ), Luis Suarez (អ៊ុយរុយហ្គាយ) និង Sebastian Coates (អ៊ុយរុយហ្គាយ) នោះទេ ដោយសារពួកគេកំពុងសម្រាក ក្រោយបញ្ចប់ភារកិច្ចជួយក្រុមជម្រើសជាតិនៅ Confederations Cup។ អ្វីដែលគួរឲ្យកត់សម្គាល់ គឺសមាជិកថ្មីដែលផ្លាស់ពីក្លិប Manchester City, Kolo Toure ក៏បានបង្ហាញខ្លួនក្នុងថ្មីរបស់ខ្លួននេះដែរ។
ក្រៅពីឈុតទី៣ ថ្មីនេះ ហង្សក្រហមក៏បានបញ្ចេញឈុតក្នុងដី និងក្រៅដីថ្មីផងដែរ ដែលមានដូចរូបខាងក្រោមនេះ៖
ឈុតក្នុងដីថ្មីរបស់ Liverpool (ពាក់ដោយ Suarez, Gerrard, Reina)
ឈុតក្រៅដីថ្មីរបស់ Liverpool ពាក់ដោយ Glen Johnson, Reina, Gerrard និង Daniel Sturridge
យ៉ាងណាដែរ ឈុតទី៣ថ្មីរបស់ Liverpool ស្អាតអត់? ចុះបើធៀបឈុតថ្មីទាំង៣វិញ មួយណាស្អាតជាង?