ព្រឹត្តិការណ៍ប្រកាសបង្ហាញ និងដាក់ឱ្យប្រើសាកល្បងប្រព័ន្ធប្រតិបត្តិការ Windows 8.1 នឹងចាប់ធ្វើនៅម៉ោង ៩ព្រឹកនៅអាមេរិក ដែលស្មើនឹងម៉ោង ៨ យប់នេះម៉ោងនៅកម្ពុជា។
Windows 8.1 ដែលអ្នកខ្លះហៅថា Windows Blue នោះខ្វះតែប្រហែល ៤ម៉ោងទៀតទេ Microsoft បានដាក់ចេញឱ្យប្រើសាកល្បងបានហើយ។ ក្នុងព្រឹត្តិការណ៍នោះ Microsoft នឹងធ្វើបទបង្ហាញត្រួសៗអំពីមុខងារខ្លះៗដែលមាននៅលើប្រព័ន្ធប្រតិបត្តិការថ្មីនេះ ដែលរាប់បញ្ចូល Internet Explorer, Office, Windows Azure, Xbox និង Visual Studio។
ជាមួយ OS ថ្មីដែលបានធ្វើកំណែប្រែលើ Windows 8 នឹងធ្វើឱ្យ user មានភាពភ្ញាក់ផ្អើលជាមិនខានឡើយ ជាមួយមុខងារថ្មី ព្រមជាមួយល្បឿនដំណើរការបានល្អជាងមុន។ ចំណែកឯភាពខុសប្លែកមួយទៀតនោះ គឺនឹងបន្ថែម Start Button វិញក្រោយពីក្រុមហ៊ុនបានដកចេញចាប់តាំងពីចេញ Windows 8។
វានឹងមានទីតាំងដូចទីតាំងចាស់ ដែលមាននៅលើ Windows 7 ហើយនៅពេល user ឈរនៅលើ Start Screen ឬនៅលើ Metro-Style/Windows Store app នោះប៊ូតុងថ្មីនេះនឹងលាក់បាត់មើលពុំឃើញ។ គេអាចមើលឃើញវិញនៅពេលប្ដូរទីតាំង mouse មកលើផ្នែកក្រោមជ្រុងខាងឆ្វេង។
ព័ត៌មានលំអិតបន្ថែម Sabay នឹងធ្វើការចុះផ្សាយនាពេលក្រោយ។
ទើបតែ ២ថ្ងៃមុនប៉ុណ្ណោះដែលមានព័ត៌មានទាក់ទិននឹងជំនាន់ OS ថ្មីនេះទៅលើ Hardware ថាតើសមត្ថភាពប៉ុណ្ណាទើបអាចប្រើបាន។ អានព័ត៌មានលំអិត។
Source : sabay